Ku cinca ka maxelo ku ni swita-nzhaku leswi vangaka ntshikelelo eka vutomi bya siku na siku. Tinguva na tona ti cincile. Aswa ha olovi ku vhumba maxelo. Timpfula atahani hi nkarhi wa tona, ku hisa ku tlula mpimo naswona mi moya ni ku titimela naswona aswahavi kona hi mpimo. Swimilana ni swihari swinwana aswi koti ku tiyisela maxelo lama naswona hitlhelo rin’wana swi yendla leswaku swinwana swi milana na swi hari swi andla hi xiyimo xa le henhla. Mintungu ya ntumbuluko yo fana na mabubutsa, minkhukhulo, mavabyi ni switsotswana hiswinwana swa mintshikelelo leyi fambisanaka ni ku cinca ka maxelo.

Ku hehliwa leswaku kuna ntungu wa tinjiya lowu vangiwaka hi ku cinca ka maxelo etikweni ra Afrika Dzonga leti sukaka etikweni ra Namibia. Tinjiya leti tihlaserile hi xiyimo xo chavisa eAfrica Dzonga ngopfu ngopfu eka swiphemu swa xifundzha xa Kapa.Ku hehliwa leswaku tinjiya leti ti fikile etikweni ra Africa Dzonga hi lembe ra 2021.

N’wa mapurasi lontsongo Xolisa ku suka ka nhlangano wa Ilizwe La Mafama e xifundzhweni nkulu xa kappa vuxa u hlamusela leswaku tinjiya leti tile ku onheni hikuva tidya byasi xikan’we ni swinwani leswi aswi fanele swi dyiwa hi swifuwo swo fana ni tihomu ni timbuti hile tlhelo tile ku va dyeleni ka swirimiwa swa vona. Hiko kwalaho ka ku tirhisa vurimi lebyi nga va pfumeleleki ku tirhisa ti chefu ta xilungu kuva va tshungula vuvabyi no dlaya switsotswani leswi va onhelaka eka vurimi bya vona hikwalaho ka vurimi lebyi vuriwaka “ Agroecology”, tinjiya leti ti tisa nxungeto lowukulu eka vurimi bya vona. Hikokwalaho ka nxungeto wa tinjiya leti va boheka ku tirhisa yona mirhi ya xilungu kudlaya tinjiya leti, hambi swiri tano aswi kombi ku cinca.

Holobye wa swa vurimi yena Thoko Didiza u kombisile leswaku vaaka tiko va fanele ku tirhisana na mfumo ku pfuneta ku lwisana na ntungu lowu. Vaaka tiko va fanele ku ti hlanganisa na mfumo loko va tshuka va hlangana na ntungu lowu e mugangeni wa vona leswaku va ta kuma vuxokoxoko no mpfuno.