Brenda Mlambo I muntshwa wa malembe ya makumenharhu mune (34) loyi a nga tinyiketela ku korhokela vantshwa eka muganga lowu a tshamaka kona etikweni ra ka Matsotsosela ehansi ka hosi Dzumeri a xifundzheni xa n’walungu(Limpopo). U yisile tidyondzo ta yena emahlweni edorobeni ra pitori, laha anga pasa (electrical engineering) eUNISA.
Loko a vuya ekaya I khumbekile ngopfu hiku pfumaleka ka vanhu vaku pfuna machudeni hi swa ntirhovutomi(career guidance).” Ndzi khumbeke ngopfu hi xiyimo lexinga kona emakaya hi swa tidyondzo, ndzitwa ingaku ndzhova etikweni rin’wana ro hambana” ku vula Brenda.
Brenda u vilerisiwile ngopfu hikuva vadyondzi votala va sungula tidyondzo ta vona ku sukela eka ntangha n’we( grade 1) ku fikela eka ntangha khume-mbirhi (grade 12) va nga tivi gondzo ra swa tidyondzo leri va faneleke kuri landzelela, endzaku ko heta nthangha khume mbirhi(grade 12), hikuva va pasa exikolweni hi ndlela yo saseka ngopfu, kambe a va switivi kuri emahlweni va ya endlisa ku yini kuti tsarisela eka ti (university). Vahetelela va tibyela leswaku ku ti tsarisela eswikolweni swa le henhla(university) aswi lulamelanga vanhu lava vanga swela emindyangwini. Eka swiyimo swin’wana leswi vana va dyondzaka swona exikolweni a swi fambelani na leswi va tsakelaka kuya dyondzela swona eUniversity, leswi endlaka leswaku vana vanga koti ku ti tsarisa eswikolweni swale henhla(University) leswi swi hetelelaka swi endla leswaku va siya mpfhuka(gap year). Uhlamusela leswaku etindzhawini tale madorobeni machudeni va rhumeriwa vanhu ku suka eka ti university kuta vapfuna hiswa ntirhovutomi ku sukela eka ntangha nhungu( grade 8)”.
utekile goza ro sungula pfhumba ro pfuneta vadyondzi ku titsarisela no yisa tidyondzo ta vona emahlweni, ku sukela eka ntangha nhungu. Vadyondzi va fanele kuta va khomile mbuyelo wa ku hela ka lembe leswaku a ta kota ku vona vuswikoti bya vona eka tidyondzo leti va faneleke kuya emahlwen na tona. U tlhela ava pfuneta ku endla swikombelo swa mpfuneto wa swa timali(bursary) ku yisa tidyondzo ta vona emahlweni na swiyenge swa swivandla swa mintirho.
